2Cor 3 | PONPDN | STEP | A IADUEN kit pil kaindan deki pein kit? De nai me mau on kisin likau en kapin on komail de san komail?

2 Corinthians 3

1 A IADUEN kit pil kaindan deki pein kit? De nai me mau on kisin likau en kapin on komail de san komail? 2 At kisin likau komail, me intinidi on nan monion it, me aramas akan karos kin asa o wadok. 3 Pwe komail sansaleda, me komail kisin likau en Kristus, me wiauier re at ni at papa, me kaidin intinidier ki ink, a Nen en Kot ieias; pil kaidin pon slet takai, pwe slet uduken en monion akan. 4 lel atail kaporoporeki Kristus mon Kot. 5 Pwe kaidin udan at koiok, me se kak lamelameki meakot, me tapi san pein kit, pwe at koiok tapi san ren Kot, 6 Me pil kotin kaiane kin kit, en papa en inau kap kaidin inau, me intinidier, a inau en nen. Pwe intin kin kamela, a nen kin kotin kamaureda. 7 A ma dodok en mela, me intinidier nan pali en takai, me linan, pwe seri en Israel akan sota kak kilan silan en Moses, pweki linan en silan i, a linan wet eu, me pan soredi, 8 Daduen, dodok en nen a sota pan linan sikida san? 9 Ari, ma dodok en kadeik o me linan, nan melel kaualap, dodok en pun me lman melel. 10 Pwe men moa me kalinanadar sota kak paroki on linan wet. 11 A ma linan mia ren me pan sorela, iaduen wan linan en me pan mimieta! 12 Ni at kaporoporeki mepukat, kit kin aima melel. 13 O kaidin dueta Moses, me pera kila likau eu silan i, pwe seri en Israel akan ender kilan imwi en me pan nikila. 14 A monion arail me kapitakailar. Pwe lao lel ran wet pera o mimieta ansaun ar wadawadok inau marin; ari, pera o me saroka saner ren Kristus. 15 A lao lel ran wet ni arail wadawadok Moses, pera mimieta mon monion arail. 16 A ma re pan wuki on Kaun o, pera o pan saroka san. 17 Kaun o iei Nen, a wasa me Nen en Kaun kotikot ia, nan i wasan maio. 18 A kitail karos, me mas atail so perapa, kin ududial linan en Kaun o, ap wuki on ni mom ota o kakairida ni linan pweki Kaun iei Nen.